არსებობს ადამიანის ოკულტური ანატომიისადმი მიძღვნილი არაერთი ნაშრომი. ძველი სამყაროს ეკლესიის ყველა მსახური ანატომი იყო და აღიარებდა, რომ ბუნების ყველა ფუნქცია მინიატურულად ასახულია ადამიანის სხეულში. ადამიანი არის სამყაროს მოდელი. ადამიანი და სამყარო წარმოადგენს კოსმოსის ერთიან სტრუქტურას. ეგვიპტეს დიდმა ნახევარ – ღმერთმა ჰერმესმა შემდეგნაირად განმარტა ანალოგიის კანონი: „ ის, რაც მაღლაა, იმის მსგავსია, რაც დაბლაა, და ის, რაც დაბლაა, მსგავსია იმისა, რაც მაღლაა.“ დოქტორი პაპიუსი ასე ამთავრებს თავის ნაშრომს: „ ადამიანის ოკულტური ანატომია“: „ ადამიანი არის სამება, რომელიც სინთეზირებულია სასწაულებრივ ერთიანობაში: …ფიზიკური სხეული, სამშვინველი და სული.“
თანამედროვე ეპოქაში დედამიწაზე შემოდის სულ უფრო მეტი ცოდნა, რომელიც ადრე არ ეძლეოდა ადამიანს (იმალებოდა ადამიანისგან), რადგან იგი იყო სრულიად მოუმზადებელი (გონივრულად და ფსიქოლოგიურად), და ეს ხელს უშლიდა მას ამ უაღრესად საჭირო ცოდნის მიღებაში და გამოყენებაში თავის პირად ცხოვრებაში.
დღევანდელ სინამდვილეში არსებული მრავალრიცხოვანი ლიტერატურა ცხადყობს და ადასტურებს იმ ფაქტს, რომ ადამიანის ფიზიკური სხეულის სტრუქტურაში არსებობს რიგი სხვადასხვა წმინდამატერიალური სხეული, მრავალი ენერგეტიკული ცენტრი, არხი, მერიდიანი და მასში მოქმედი სხვა მნიშვნელოვანი სისტემა.
სამყაროსა და ადამიანზე (მის შემადგენლობაზე, მატერიალურ – ენერგეტიკულ და სულიერ წყობაზე ) ცოდნის სისავსით განსაკუთრებულად გამოირჩევა წიგნი „კალაგია“, რომელიც გამოქვეყნდა 1992 წელს.
ადამიანის მიერ ამ ცოდნის ათვისებას და მის ქმედებით გამოყენებას პრაქტიკაში შეუძლია ძირ-ფესვიანად შეცვალოს მისი საკრალური შემადგენლობის ხარისხი, რის შედეგადაც შეიცვლება მისი სიცოცხლის ხარისხი, მისი ბედისწერა დედამიწაზე და უსასრულო სივრცის სხვა არეებში. იგი შეიძენს უკვდავებას და მარადიულ სიცოცხლეს. ეს კი წარმოადგენს სიცოცხლის უსასრულო ნაკადში ახლად დაბადებების, გასხეულებების, ახალ განსახიერებების და განსხეულებების აუცილებელ პირობას. ამავდროულად შენარჩუნებული იქნება ადამიანის პირადი ცნობიერების უწყვეტლობა.
ყოველივე ადამიანს, რომელსაც აზროვნების უნარი გააჩნია, შესაძლებლობა აქვს მიზნად დაისახოს მისწრაფება ადამიანისა და სამყაროს შესახებ ცოდნის გაფართოებისაკენ და მიღებული ცნობები გამოიყენოს პირადი სულიერი ზრდისათვის. ჭეშმარიტი ცოდნა და სწორი მოქმედება ხელს უწყობს უკვდავების მიღწევას.
როგორც უკვე აღინიშნა ზემოთ, სამყაროსა და ადამიანზე „კალაგიაში“ მოყვანილი ცნობები დიდად აფართოებს და ავსებს ადამიანების ცოდნას თავისი რთული სტრუქტურის შესახებ. ამ მასალის გააზრებას და ათვისებას ესაჭიოება სერიოზული შრომა და დიდი დრო. მაგრამ მკითხველის მცდელობა აუცილებლად იქნება ანაზღაურებული მიღწეული შედეგებით და მათი ნაყოფით. შესაძლოა ზოგიერთისთვის ბევრი რამ ამ წიგნში იყოს ახალი და უცნობი. მასში ბევრი ისეთი ტერმინია, რომელიც ჩვეულებრივ ლიტერატურაში იშვიათად გვხვდება.
იმისათვის, რომ გავიადვილოდ ქვემოთ მოყვანილი მასალის ათვისება , რეკომენდირებულია წინასწარ კარგად გავეცნოთ ამ ტერმინების მნიშვნელობას, გავარკვიოთ და დავიმახსოვროთ თუ რა განსხვავებაა ამ ტერმინებით აღნიშნულ ორგანოთა და მათ მიერ შესასრულებულ ფუნქციათა შორის. ესენია: ლოგოსი, მონადა, არსი, სამშვინველი, ანგელოზი, სერაფიმი, ქერუბიმი, მენტალი, ასტრალი, ტარა, ტერმინალი და სხვა.
ლოგოსი – არის ძალა, სახელად დემიურგი, ინფორმაციულ – ენერგეტიკული სფერო, უმაღლესის (შემოქმედის) თანამშრომელი, კოსმოსის ადამიანი. აქვს ცნობიერების ერთი დონე. წარმოადგენს ცეცხლისა და სინათლის პირველ გრანულაციას. (გრანულაცია – ეს არის კოშტად, გრანულებად შემკვრივება). ლოგოსი – უსქესო, პრინციპულად არა ობიექტირებადი არსებაა. მან ყველაფერი იცის. ლოგოსის ძლევამოსილება წარმოადგენს საიდუმლოს, რომელიც ადამიანს გამოუმჟღავნდება მხოლოდ იმის შემდეგ, როდესაც იგი დაადგება სულიერი ზრდის გზას. ამ გზაზე მისი განვითარების გარკვეულ პერიოოდში, ლოგოსი ერთვება ადამიანს თავისი ცნობიერებით, მისი მასწავლებელი ხდება.
მონადა (ატმანი) – ინფორმაციითა და ცეცხლით შევსებული ენერგეტიკული კაფსული, რომელშიც სულის მარცვალი იმყოფება მძინარე ( ჯერ კიდევ არ გამოღვიძებულ) მდგომარეობაში. ეს ჰოლოგრამაა, წმინდა მატერიალური სამყაროს ადამიანის იდეა, ქრისტიანების გაგებით ცის ანგელოზი. მონადას, დამოუკიდებლად არსებების კლასისა, გააჩნია ცნობიერების ორი დონე და ადამიანში ყოფნისას იძენს მესამეს. კარგად განვითარებული ადამიანის მონადას და სულს აქვს შვიდი სხეული – გარსი: ტერმინალი (მყარი სხეული), ტარა (ეთერული სხეული), ასტრალი, მენტალი, სამშვინველი, სულის მდებარეობის სხეული, სულის მდგომარების სხეული.
ამათგან სამი პირველი (ტერმინალი, ტარა, ასტრალი) წარმოადგენს ადამიანის მატერიალურ ნაწილს – ტანტრას. ოთხი პირველი (ტერმინალი, ტარა, ასტრალი, მენტალი) წარმოადგენს მის მომაკვდავ, წარმავალ ნაწილს. სამი უმაღლესი საწყისი (სამშვინველი და ორი სულის სხეული), რომელსაც უმაღლეს ტრიადას უწოდებენ, არის ადამიანის ბუნების ნაწილი, რომელიც არ კვდება. იგი – უკვდავი ინდივიდუალობაა. იგი ინახება ( ერთი და იგივეა) ადამიანის ყველა გასხეულებისას.
როგორც „კალაგია“- შია განმარტებული, ბუნებაში არსებობს მატერიის სამი ფორმა: პირველადი (ყველაზე წმინდა), მეორადი და მესამეული (ყველაზე უხეში). არსებობს კიდევ მისი ორი სახეობა: ცნობიერება (ტანუმახატი ან ტანუ) და აზრი (ნაგუატმა ან ნაგი). დაუბრუნდეთ განვითარებული ადამიანის მონადის და სულის შვიდი სხეულის განხილვას.
1.ტერმინალი – ადამიანის მკვრივი სხეული. შედგება მესამეულ (უხეშ) მატერიისაგან. იგი არის ყველა შეგრძნებების გამტარი. არის შემსრულებელი. 2. ტარა – წმინდამატერიალური, ეთერული სხეული. შედგება მეორად (ნაკლებად უხეშ ) მატერიისაგან. ქმნის და წარმართავს კავშირს მყარი სხეულის ფიზიკურ ნაწილაკთა შორის. სასიცოცხლო ძალის – პრანას გამტარია. განაგებს მეხსიერებას, ინახავს ინფორმაციას. აზროვნების იარაღია, მაგრამ არ არის მისი შემოქმედი. აზროვნება – სულის პრეროგატივაა, რომელიც გამორიცხავს ალტერნატივას. 3. ასტრალი – ცეცხლოვანი სხეულია. შედგება პირველადი ( ყველაზე წმინდა ) მატერიისაგან. პასუხისმგებელია გრძნობებზე და ცნობიერების მთლიანობაზე. წარმოადგენს გადამცემ ინსტანციას ადამიანის უმაღლეს საწყისსა – თვით მოაზროვნეს (სულსა) და მის ფიზიკურ ტვინს შორის. მასში განლაგებულია ცეცხლოვანი ცენტრები: ჩაკრამები, კარმენდრია – ლოტოსები. ჩაკრამების შუაგულში გადის ვერცხლის ძაფი.
სულიერად არაგანვითარებული ადამიანის ასტრალური სხეული წარმოადგენს ღრუბლოვან არამკაფიოთ გამოხატულ დაბალი ტიპის ასტრალურ მასას. მისი შეფერილობა ფერმკრთალი ელფერისაა. საშუალოდ განვითარებული ადამიანის ასტრალური სხეული უფრო მნიშვნელოვანი ზომისაა. მასში არსებული წმინდა ნაწილაკები ანიჭებენ მას განათებულის შესახედაობას. ადამიანში უმაღლესი ემოციების გაჩენა იწვევს მასში ფერების მშვენიერ ციმციმს. „ბორბლები“ მასში უკვე მკაფიოდ მოჩანან, თუმცა ისინი ჯერ არ ტრიალებენ.
სულიერად განვითარებულ ადამიანში ასტრალური სხეული შედგება ასტრალური მატერიის წმინდათა წმინდა ნაწილაკებისაგან და წარმოადგენს მშვენიერ სანახაობას თავისი ბრწყინვალებითა და შეფერილობით. დედამიწაზე არნახული ელფერები ჩნდება მასში სუფთა და კეთილშობილი აზრების გავლენის შედეგად. „ბორბლების„ ტრიალი უმაღლესი ცენტრების მუშაობაზე მიუთითებს.
- მენტალი – წარმოადგენს ნაგის (აზრის) ფორმას. განსჭვალავს ტერმინალს, ტარას და ასტრალს. შეუძლია მიიღოს ნებისმიერი მოხაზულობა. ეს – ადამიანის ინტელექტუალური საწყისია. იგი განასახიერებს მის პიროვნებას. მენტალური სხეულის წყობა არაჩვეულებრივად ფაქიზია. იგი – შედგება უმაღლესი სფეროს მატერიისაგან. ( როგორც ვიცით, ნაგი – მატერიის დამოუკიდებელი სახეა. მატერიის სხვა განსაკუთრებულ სახეს წარმოადგენს ცნობიერება – ტანუ). ეს – ჰოლოგრამაა, მაგრამ ყველაზე უფრო ფაქიზი. იგი ატარებს სრულიად კოსმიური აზრის პრანასა და სვასწის (სასიცოცხლო ძალასა და ბრწყინვალებას ). მოუხელთებელია არა მხოლოდ ფიზიკური ხედვისთვის , არამედ ასტრალურისთვისთვისაც; იგი მუდმივ მოძრაობაშია, მუდმივ ჟღერაშია და სინათლის ნაირსახოვან ელფერის მუდმივ ლივლივში. იგი ვითარდება პიროვნების აზრებისა და წარმოსახვების განწმენდის გზით, მისი ყველა წარმოდგენების დახვეწის გზით. იგი ოვალური ფორმისაა და იზრდება მოცულობით იმისდა მიხედვით, თუ როგორ ვითარდება და ფართოვდება ადამიანის ცნობიერება.
განუვითარებელი ადამიანის მენტალური სხეული მცირე ზომისაა. სხვისი აზრები, რომლითაც უმეტესობა კმაყოფილდება, მას არ ანვითარებენ; იგი ვითარდება იდეებისა და ცნებების შიდა გარდაქმნის გზით. აზროვნების აქტიური პროცესი, განთავისუფლებული ცუდი ვნებებისგან და კეთილშობილურ საქმეებისკენ მიმართული, სრულიად აიძულებს ჩვენს მენტალურ სხეულს გაზრდას. მაღალგანვითარებული ადამიანის ეს სხეული წარმოადგენს შესანიშნავ სანახაობას -ნაზი და კაშკაშა სინათლის სხვადასხვა ელფერს, რომელიც სწრაფად პულსირებს.
მენტალური სხეულის შემადგენლობაში შედის: სამშვინველი, ანგელოზი, ქერუბივი, სერაფიმი. სამშვინველი არ იფარგლება მხოლოდ მენტალური სხეულით, როგორც გარსით. იგი განსჭვალავს მონადის სხვა სხეულებს (პირველ სამს: მკვრივს, ეთერულს და ასტრალურს), ახორციელებს კავშირს მათ შორის, და აგრეთვე აკავშირებს ყოველივე მათგანს მენტალური სხეულის მთელ სტრუქტურასთან. იცავს მათ ჰომეოსტაზს (ახდენს მის აკუმულირებას თავის თავში) და ამით იცავს არსის სიცოცხლეს.
სამშვინველი და ცნობიერება დუბლირებს და ავსებს, თანამშრომლობს, შედის მჭიდრო კავშირში, მაგრამ არ ერწყმინ ერთმანეთს. სამშვინველი თავისი შემადგენლობით ავსებს აზრს და ამის შემწეობით სული იხილავს და ანვითარებს მას. სამშვინველი ადამიანში შეიძლება გადიდდეს ან შემცირდეს. ეს დამოკიდებულია მის მიერ განხორციელებულ საქმეებზე. სამშვინველი არის სივრცე, რომელიც ხორცს ასხავს სიცოცხლეს მიუხედავად ადამიანში მუდმივად მიმდინარე ცვლილებებისა.
ანგელოზი არის აზრი (ნაგი), შეუძლია მიიღოს ნებისმიერი ფორმა და მოხაზულობა. გადის ყველა სხეულში – მონადის ყველა გარსში, აღწევს ლოგოსსა და სულამდე, შეერთებულია კოსმიურ აზრთან. მისთვის არ არსებობს ზღუდე, დაბრკოლება და მანძილი. შეუძლია გაჩნდეს ნებისმიერ ადგილზე დროის დაკარგვის გარეშე; შეუძლია გაჩნდეს ბევრ სხვადასხვა ადგილას ერთდროულად, ისე, რომ არ შემცირდეს ზომით. ანგელოზი – პრანაა. ხერუბიმი არის ბრწყინვალება (სვასტი), ავსებს პრანას; აგრილებს, ასუბუქებს, გადაადგილებს ყველაფერს, მათ შორის პრანასაც. სერაფიმი თვითონ ავსებს ანგელოზს, განსჭვალავს ყველაფერს (იქ, სადაც ადგილი არა აქვს სისაძაგლეს). ეს – პრანაა, ბრწყინვალება. შედის ჰაერის ოზონის (ვიანა) და წყლის იონის (აპანა) შემადგენლობაში. ეს სასიცოცხლო ძალაა, სასიცოცხლო ენერგია, სიცოცხლის სუნთქვა, აზრის მოძრაობა, მზის ენერგია.
სულიერად განვითარებული ადამიანის სამშვინველი არ არის თავისი მენტალური სხეულის ნაწილი. იგი არის სრულიად დამოუკიდებელი ერთეული. იგი ახორციელებს ჰარმონიულ კავშირს ტანტრასა და მენტალის სტრუქტურებს შორის. სამშვინველის მნიშვნელოვან ფუნქციას წარმოადგენს ადამიანის ტანტრის და მენტალური გარსის ჰომეოსტაზის შენარჩუნება. სამშვინველი – განვითარებული ადამიანის მონადის და სულის მეხუთე სხეულია.
- სულის მდებარეობის სხეული – მისი ცოდნაა. მისი ბრძანებით იქმნება სხეული, რომელიც უზრუნველყოფს სიცოცხლის უწყვეტლობას. ცოდნის სხეული არის ნებისყოფის ცენტრი.
- სულის სრულყოფილი სხეული მისი მდგომარეობის სხეულია. ეს არის სულის პირველი გამოხატულება, მისი ცნობიერება.
არსი – ეს არის განვითარებული მონადა – ინფორმაციითა და ცეცხლით შევსებული ენერგეტიკული კაფსულა, გამოღვიძებული სულით (განვითარებული სულის მარცვლით).
„მაგრამ ადამიანი არ არის მისი სხეულები“- გვახსენებს უმაღლესი შემოქმედი. „ ისინი მოგვეცა ადამიანის თვითრეალიზაციისათვის, როგორც ქმნილების შემოქმედთან ერთიანობის იდეა. ადამიანი არ არის ასევე არსებული სულის არსება. იგი არის მხოლოდ მისი სივრცული ცხოვრების ინდივიდუალობის გამოვლინება. კერძოთ ადამიანი არის უმაღლესის ჩანაფიქრის სული. მას გააჩნია პლასტიკური და გასაოცარი გარეგნობა.“ ადამიანს შეუძლია იხილოს თავისი თავი, თუ გამოვა თავისი სხეულების ფარგლებს გარეთ – მკვრივი სხეულის საზღვრებს გარეთ, როდესაც ეთერული და ცეცხლოვანი სხეულები რჩებიან მკვრივ სხეულში.
კოსმოსის ყველა ძალა და ძლიერება, რომლითაც ხორციელდება სიცოცხლე სამყაროში, თავმოყრილია ყოველივე ადამიანში, ოღონდ ეს ყველაფერი იმყოფება პოტენციურ მდგომარეობაში. მეტიც, იგი არის კოსმიური ენერგიის კონდენსატორი და ტრანსმუტატორი. ნებისმიერი ადამიანი, რომელიც იმყოფება არსებობის ფიზიკურ პლანზე, მონაწილეობს ფაქიზი სამყაროს ცხოვრებაში, მაგრამ ეს ისე ხორციელდება, რომ ტერმინალის ცნობიერებამ არ იცის ამის შესახებ არაფერი. ადამიანის მკვრივი სხეული ამ დროს დედამიწაზე მშვიდ ძილში იმყოფება.
იმის მიხედვით, თუ როგორია ადამიანის კულტურული და სულიერი განვითარების დონე, იგი მეტ-ნაკლებად მონაწილეობს ყოფიერების საერთო ცხოვრებაში. მაგრამ ინდივიდი, რომელმაც თავის თავში განავითარა სულიერი ძალები, ცეცხლოვანი სამყაროს ცხოვრებაშიც კი ცნობიერად მონაწილეობს. ფიზიკურ სხეულში დაბრუნებისას მას ახსოვს ყველაფერი, რაც იქ აკეთა და იმოქმედა.
ადამიანის ცხოვრების მიზანია მარადიული მოძრაობა – წინსვლა, მარადიული სრულყოფა და უმაღლეს შემოქმედთან სულიერ ერთობაში შესვლა. ადამიანს ამისათვის საჭირო ყველა შესაძლებლობა გააჩნია. ამ ყველაფრის მიღწევის მნიშვნელოვან საშუალებას წარმოადგენს ადამიანში არსებული უმაღლესი ცნობიერების ცენტრები. როდესაც ინდივიდში არსებობს ჭეშმარიტებისკენ, სინათლესა და ცოდნისაკენ მისწრაფება, ეს ცენტრები ცეცხლოვანი ენერგიით ინთება და თანდათანობით გარდაიქმნება უმაღლესი ენერგიების მიმღებად. ეს კი მიწიერი ადამიანის უდიდესი გამარჯვებაა.
(გაგრძელება იქნება)
ოფელია ლომაია.
ofelialomaia 