ადამიანში არსებული შვიდი მთავარი ცენტრის შესახებ წერს ყველა ავტორი, რომელიც აღწერს ამ სისტემას და იქვე აღნიშნავს, რომ მასში არსებობს კიდევ ორმოცი მომცრო ცენტრი. ვერ ვიტყვით, რომ ცოდნის ამ დარგში არსებობს მთლიანად დამუშავებული სისტემა, თუმცა ჩაკრები ნახსენებია ბევრ შრომაში, რომელიც ათეულობით საუკუნის განმავლობაში დაწერილა.
დასავლეთის ოკულტური მეცნიერება საუბრობს ადამიანის მხოლოდ შვიდ მთავარ ცენტრზე. აღმოსავლეთში უფრო მეტი ცოდნა არსებობდა ამის შესახებ. მაგრამ ევროპელებისთვის ხელმისაწვდომი იყო მხოლოდ ამ ცოდნის ნაწილი, სხვა ნაწილების საკრალურობის გამო. ამ ცენტრების ყველაზე გავრცელებული სახელია – „ჩაკრა“, ან „ცეცხლოვანი ბორბალი“. ცნობილია, რომ ისინი არიან აღქმის სივრცული აპარატები.
შეგვიძლია გაუგოთ ზოგიერთ ავტორს, რომელიც ჩაკრებს ისე ახსენებს, როგორც გაურკვეველი ფუნქციების მქონე სავარაუდო სტრუქტურას, რადგანაც მათი არსებობა ადამიანის სხეულში ექსპერიმენტალურად ჯერ არ დადასტურებულა. (ამისთვის საჭირო ხელსაწყო ჯერ არ არის შექმნილი). მაგრამ, დღეს უკვე ბევრად უფლებამოსილნი ვართ ვისაუბროთ მათზე, როგორც რეალურად არსებულზე ადამიანის ფაქიზ სხეულებში – იმ კონსტრუქციებზე, რომელსაც უკვე ბევრი „მხედველი“ ინდივიდუმი ხედავს სულიერი ხედვით, არაერთხელ დააფიქსირებია საკუთარსა და სხვის სხულებში და მხატვრულად აღუწერია ისინი.
ექსტრასენსები ადამიანის აურის ფორმასა და ფერს უკავშირებენ მისი ჩაკრების მდგომარეობას, რაც თავის მხრივ, ადამიანის განვითარების დონეზეა დამოკიდებული.
„კალაგია“-მ დაადასტურა ადამიანში უმნიშვნელოვანესი ცნობიერების ცენტრების არსებობისა და მათი ფუნქციონირების შესახებ მანამდე უკვე არსებული ცნობები და მნიშვნელოვნად შეავსო ჩვენი ცოდნა ამ მიმართულებით უცნობი ან ნაკლებად ცნობილი მონაცემებით. „კალაგიაში“ აღნიშნული ცენტრები ნახსენებია როგორც „ჩაკრამები“. ხაზგასმულია მათი მნიშვნელოვანი როლი ადამიანის ცხოველქმედობაში, მათ „მბრძანებელი – კარმენდრიებთან“ ერთად.( სიტყვა „ კარმენდრია“ წარმოშობილია სიტყვებისაგან „კარმა“ – ქმედება და „ინდრა“ – მბრძანებელი და ნიშნავს „მოქმედების მბრძანებელი“).
ამჟამად არსებული შეხედულებების თანახმად, ჩაკრამები წარმოიშობა ასტრალურ სხეულში, იძენს საკუთარ ფორმას და შინაარსს ფაქიზ სხეულში (ტარაში), იმ წერტილებში, სადაც ფაქიზი სხეული უერთდება მენტალური სხეულის ცნობიერებას. მყარ სხეულში ფიზიოლოგიურ დონეზე ხუთ ჩაკრამს ( მთავარი შვიდიდან) შეესაბამება ზურგის ტვინის სხვადასხვა ნაწილები, რომლებიც განლაგებულია ხერხემლის ხუთი სეგმენტის მიდამოში (გავის ძვალა, წელის განყოფილების ხუთი მალა, მკერდის განყოფილების პირველი ჯგუფის ხუთი მალა, მკერდის განყოფილების მეორე ჯგუფის შვიდი მალა, კისრის განყოფილების შვიდი მალა). ორ ჩაკრამს კი შეესაბამება თავის ტვინის ორი განყოფილება (ნათხემი და თალამუსი).
ჩაკრამების მდგომარეობა, როგორც უკვე აღვნიშნეთ ზემოთ, დამოკიდებულია ადამიანის განვითარებაზე. სულიერად, ფსიქიკურად და გონებრივად ნაკლებად განვითარებული ადამიანების ჩაკრები ფაქიზ სხეულებში გამოიყურება როგორც მკრთალად შეფერილი მცირე ზომის დისკო. ადამიანის ზრდასთან და მისი ცნობიერების გაფართოებასთან ერთად, მისი ჩაკრამები იხსნება, მათი ფორმა იცვლება (ემსგავსება ყვავილს) და შეფერილობა ხდება უფრო კაშკაშა. იგივეს ადასტურებს ზოგიერთი ფილოსოფიური სისტემა და ეზოთერული სწავლება. ისინი მოწმობენ, რომ ცნობიერების უმაღლესი ცენტრების განვითარებადობა დამოკიდებულია ადამიანის ყოფიერებაზე, მის ჯანმრთელობაზე და სიახლოვეზე დედამიწაზე მისი ცხოვრების მთავარი მიზნის შესრულებასთან. ეს მიზანი კი, როგორც ვიცით, არის – განიცადოს ევოლუცია თვითონ და ხელი შეუწყოს ევოლუციონირებაში სხვა ადამიანებს, ცოცხალ არსებებსა და (ამის შედეგად) მთელ სამყაროს.
დღეს უკვე ცდილობენ შექმნან ჩაკრების ზოგადი თეორია, რომელიც აღწერს მთელ ამ სისტემას, როგორც მთლიანს. როგორც აღნიშნავსენ რიგი მკვლევარები, ადამიანის ცნობიერების უმაღლესი ცენტრები წარმოადგენენ სამყაროს ინტეგრალურ წარმოსახვას. ეს ის წერტილებია, სადაც ხდება შიდა და გარე სამყაროების შეპირაპირება. ყოველი ადამიანის ამა თუ იმ ჩაკრამის აქტივობის ხარისხი განსხვავებულია. იმ შემთხვევაში, თუ ადამიანში მკვეთრად დომინირებს რომელიმე ერთი ცენტრი, იგი ითვლება ინვალიდად, ფსიქიურად არაგაწონასწორებულად. სასურველია მათი თანაბარი, მეტ – ნაკლებად ჰარმონიული გახსნა.
ინფორმაციული თვალსაზრისით ცენტრები განიხილება, როგორც ადამიანის ბიოკომპიუტერის შესასვლელ – გამოსასვლელი მოწყობილობა. ჩვენ არა ვართ საკუთარი შიდა სამყაროში მიმდინარე უმრავლესი პროცესების წამომწყებნი – ჩვენ მხოლოდ აღვივქვამთ მათ. უფრო სწორად მიგვაჩნია დაშვება, რომ პროცესებში აქტიურად მონაწილეობს „შიდა ადამიანი“ და „გარე ადამიანი“ კი მხოლოდ აღიქვამს. სრულიად ნათელია, რომ ყოველივე ადამიანისთვის აუცილებელია ამ საკითხების არა მხოლოდ ახლო გაცნობა, არამედ საკუთარი ცენტრების თუნდაც ნაწილობრივი გახსნა. მაგრამ მხედველობაშია მისაღები ის მდგომარეობა, რომ ეს ყველაფერი დაკავშირებულია ადამიანში უმაღლესი ძალების და ენერგიების გამოღვიძებასთან. ამას კი შეიძლება ბევრი სერიოზული შედეგი მოჰყვეს, თუ ჩვენ არ გამოვიჩენთ დიდ ყურადღებას ამ საკითხის შესწავლისას.
ქვემოთ მოყვანილი ჩაკრამები ჩამოთვლილია გავის ძვლიდან ზემოთ. დასახელებასა და ადგილმდებარეობასთან ერთად მოყვანილია აგრეთვე ზოგიერთი მათი მახასიათებლები. 1.მულადახარა (მულადხარა) – (ფრჩხილებში მოყვანილია ჩაკრების დასახელება, რომელიც გამოიყენება ლიტერატურაში, მაგრამ ბოლომდე არ ემთხვევა „კალაგიაში“ გამოყენებულ ტერმინს). იგი მდებარეობს გავის ძვალთან ( პროექცირდება მყარი სხეულის ამ მიდამოში), ხერხემლის ფუძეში. ამ ჩაკრამის ლოტოს – კარმენდრიას აქვს ოთხი ფურცელი. მისი ნათების ფერი – წითელი ან ყავისფერია. ჩაკრამის როლია – კონტროლი თვითგადარჩენის ინსტინქტზე, სიცოცხლისა და სიკვდილის საწყისების დაცვა. (ინფორმაცია ჩაკრამების ნათების ფერების შესახებ აღებულია სხვა წყაროებიდან, რადგან „კალაგიაში“ სათანადო მონაცემები არ არის მოყვანილი).
2.სვარხიშტახანა (სვადხისტხანა). მყარ სხეულზე მისი პროექციის ადგილმდებარეობა არის ხერხემლის წელის განყოფილების ხუთი მალის მიდამო. ამ ჩაკრამის ლოტოსს აქვს ექვსი ფურცელი. ნათების ფერი – ნარინჯისფერია. მთავარი ფუნქცია – უჯრედის გამრავლება. იგი პასუხისმგებელია გენეტიკური კოდის გამრავლებაზე, სექსუალური ენერგიაზე, რომელიც აუცილებელია გარდა გამრავლებისა, შემოქმედებისათვისაც (ვიშუთხის – მეხუთე ჩაკრამის ენერგიასთან ერთად). ამ ორი ენერგიის გაერთიანება ხორციელდება სულიერების ზრდის და განათლებული ცნობიერების შემთხვევაში.
3.მანიპურა. მდებარეობს მზიურ წნულში ანუ მკერდის განყოფილების პირველი ჯგუფის ხუთი მალის მიდამოებში. ამ ჩაკრამის ლოტოსს აქვს ათი ფურცელი. ნათების ფერი – ყვითელი. მისი ფუნქციებია – იმ ინსტინქტების დაცვა, რომელიც აუმჯობესებს ცხოვრების მატერიალურ პირობებს. ეს ჩაკრამი არის ასტრალურ სამყაროსა და ადამიანს შორის დამაკავშირებელი რგოლი. არ არის საჭირო ამ ჩაკრამის ენერგიის დახარჯვა ზედმეტ ემოციებზე. უკეთესი იქნება მათი გამოყენება ლოგიკური აზროვნების განვითარებისთვის.
4.ანახატა. განთავსებულია გულის დონეზე, ხერხემლის მკერდის განყოფილების მეორე ჯგუფის შვიდი სეგმენტის მიდამოებში. ამ ჩაკრამის ლოტოსს გააჩნია თორმეტი ფურცელი, რომლებიც სამ ჯგუფად არის დაჯგუფებული და თვითოეულ მათგანში ოთხი ფურცელია. მისი ნათების ფერი – მწვანეა. ემსახურება ადამიანური საწყისების ცხოველური საწყისებზე ბატონობის გაძლიერების მიზანს. იგი არის მატერიალური და სულიერი სამყაროებს შორის დამაკავშირებელი რგოლი. აქ – სულის ცენტრია, სიყვარულის ენერგია. ამ ჩაკრამის განვითარება დაკავშირებულია გარშემო არსებულ ადამიანებთან და სხვა ცოცხალ არსებებთან სწორი ურთიერთობების ჩამოყალიბებასთან, ისეთი ურთიერთიბების, რომელიც დაფუძნებულია სიყვარულზე, ურთიერთგაგებასა და ურთიერთდახმარებაზე. მის განვითარებას ძლიერ აფერხებს და ზოგჯერ მთლიანად ახდენს ბლოკირებას მწუხარება. გრძნობები და ცნობიერება მოთავსებულია ანახატაში.
5.ვიშუდდა (ვიშუდხა ). ადგილმდებარეობა – კისრის განყოფილების მალების მიდამო – ყელი. გააჩნია ლოტოსის თექვსმეტი ენერგეტიკული ფურცელი. ისინი განთავსებულია ოთხ ჯგუფად, ოთხ – ოთხი ფურცელი თვითოეულში. აქვს ცისფერი ნათება. ეს ცენტრი არის ცოდნის გამჭღავნების ენერგიის მატარებელი. მიეკუთნება სულიერ სამყაროს და მისი ამოცანაა – მიღებული ცოდნის რეალიზაცია. პასუხისმგებელია ჭეშმარიტებაზე. იბლოკება სიცრუით.
6.აინა. ადგილმდებარეობა – ნათხემის მიდამო. ეს ჩაკრამი, ისევე, როგორც შემდეგი მეშვიდე, მთავარი შვიდი ჩაკრამებიდან, ამავდროულად არის კარმენდრია – ლოტოსი. აქვს აგრეთვე სახელწოდება – მაცხოვრებლების მბრძანებელი. ამ ჩაკრამის თვისებები ფართოდ არ აფიშირდება და ამას, რა თქმა უნდა, სერიოზული მიზეზი გააჩნია. არსებობს საფუძველი, რათა აინას შესახებ ითქვას მხოლოდ ის, რომ მის ფუნქციაში შედის ჭკუა-გონების, მისი ცოდნის, შესაძლებლობის და უნარის დაზოგვა, კვება და დახმარება.
7.სახასრაკშა ( სახასრარი). ადგილმდებარეობა – თალამუსის მიდამო და ნათხემი. ერთი შეხედვით ჩაკრამი გვახსენებს გადაპირქვავებული ყვავილის თასს, რომლის ფესვის ნაწილში მოთავსებულია ათასი ფურცელი. ისინი რამდენიმე სანტიმეტრით გამოსულია მყარი სხეულიდან. მისი ნათების ფერი – თეთრია. როდესაც ჩაკრამის აქტივობა სუსტია, მისი ნათება იისფერია. იგი თითქოს და ადამინის ორგანიზმის მართვის პულტია. ამ ჩაკრამის მთავარი ამოცანა და ფუნქცია არის ადამიანის სრულყოფის მიღწევა, უმაღლეს არსთან სულიერი შერწყმა. იგი აერთიანებს ადამიანს სამყაროს თანამშრომლებსა და მასწავლებლებთან, იცავს ინდივიდის ცნობიერების და აზრის მთლიანობასა და დაურღვევლობას. აქ იმყოფება ადამიანის ნებისყოფა და სიძლიერე.
ქვედა სამი ჩაკრამა თავისი მიზნებითა და ფუნქციებით განეკუთვნება გამომჟღავნებულ მატერიალურ სამყაროს. ზედა სამი (5, 6, 7 ) ეკუთვნის სულიერ სამყაროს. მეოთხე ცენტრი წარმოადგენს გამომჟღავნებული და გაუმჟღავნებელი სამყაროებს შორის დამაკავშირებელ რგოლს. გრძნობები და შეგრძნებები მოთავსებულია ამ ჩაკრამში, ანახატაში.
არსებობს აგრეთვე დამატებითი ჩაკრამები. მათ შორის წამყვანად, თავისი მნიშვნელობით, ითვლება აჯანა (აჯნა ) – ტრიკუტი (მესამე თვალი). იგი განთავსებულია შუბლის უბის შუაგულში. აქვს ორი ფურცელი. ის მუდმივად დახურულია. მისი გახსნა შეუძლია მხოლოდ ძალიან ღვთისმოსავ ადამიანს და ისიც მხოლოდ გაცნობიერებული და შეუპოვარი შრომის შედეგად. ჩაკრამის ნათება მოლურჯო – იასამნის ფერი. იმ შემთხვევაშუ, თუ მეშვიდე ჩაკრამი სუსტი აქტივობისაა, აჯანას ნათების ფერი იცვლება – იგი ლურჯი ფერის ხდება.
ეს ჩაკრამი პასუხისმგებელია ნათელმხილველობასა და ინტუიციაზე. ხუთი ქვედა ლოტოს – კარმენდრიების ფურცლების რიცხვი უდრის 48 – ს. ტრიკუტის ორ ფურცელთან ერთად გარე ფურცლების რაოდენობა უდრის 50-ს. ლოტოსის ფურცლები, თავისი მნიშვნელობითა და როლით, შეესაბამება რადიოსადგურებზე რადიოსხივების ფოკუსირებისათვის გამოყენებული სფერული ანტენების მექანიზმს.
ფიზიკურ პლანზე კარმენდრიებს შეესაბამება ნერვული წნულები. კარმენდრია არის თავისი ჩაკრამის ღმერთი. იგი ითვისებს თავისი ფუნქციების სათანადო ენერგიებს, მის ნაწილს ან მას მთლიანად (გარემოებების დინამიკასთან შესაბამისად) და გადასცემს ცნობიერების სათანადო დონეს. გაშლილი ლოტოს – კარმენდრია, როგორც „კალაგია“ მოწმობს, თავისი სილამაზით საოცარი სანახავია. მაგრამ ლოტოსი იხსნება მხოლოდ მაშინ, როდესაც ამის აუცილებლობა იქმნება. იგი იხსნება, ქმედებას ასრულებს, და, როდესაც ქმედება დამთავრებულია, იგი კვლავ იხურება. ფურცლები ამ დროს ცენტრისკენ იხვევა. სულიერი მზერით შეიძლება ვიხილოთ თუ, როგორ ხსნის ლოტოსი ფურცლებს, რათა მიიღოს ენერგია ან უკუაგდოს მტრის ცეცხლოვანი მახვილი.
ჩაკრამი ტრიალებს სამშვინველის სივრცეში. ჩაკრამის ირგვლივ კონცენტრირდება ბრწყინავი პრანა და სვასტის სხივები. აქ ხორციელდება ტერმინალის ურთიერთობა ნაგთან ( მყარი სხეულის მენტალთან). ნებისყოფაც კონცენტრირდება ჩაკრამის ირგვლივ და გააჩნია უნარი ჩაიდინოს ჯადოსნური, მაგიური ქმედება. არსებობენ კიდევ შიდა ლოტოსები, ჩაკრავარდინები, კოსმოსის ლოტოსი, კოსმოსის ბაღი, ლოტოსის ბაღი, სუშუმნა, ხარანიერბეხახი, გადამღობი ქსელი და სხვა.
როდესაც ვსაუბრობთ ადამიანის რთულ შემადგენლობაზე, შეუძლებელია არ ვახსენოთ ე.წ. თასი და არ გავიცნოთ იგი. „ თასი არ არის რაიმე პირობითი სიმბოლო ან პოეტური სახე. თასი ნამდვილად არსებობს“ – ნათქვამია „კალაგიაში“. იგი განლაგებულია გულმკერდში (ასტრალურ სხეულში). ჩაკრავარდინი, ლოტოსი – კარმენდრია და ჩაკრამი ანახატა ამ თასში მდებარეობენ. მისი ცენტრიდან გამოიტყორცნება იისფერი ცეცხლოვანი სხივი. მას ეხვევა და ადის ზემოთ მოოქროსფერო – მეწამური სპირალი. იგი ერთმანეთთან აერთებს მეხუთე, მეექვსე და მეშვიდე ცენტრებს და თავის ტვინის ორ ნახევარსფეროს (შეერთება ხორციელდება კოჟრიან სხეულში). თალამუსიდან გამოდის გარე სპირალი, რომელიც მოძრაობს ზურგის ტვინის გასწვრივ და ირგვლივ და ჩაედინება ძირს თასში.
ადამიანსჭეშმარიტად უღირს იშრომოს მიზანმიმართულად და გახსნას თავისი სულიერი ხედვა, რათა თვითონვე იხილოს ეს, თასის ფუნქციონირებასთან დაკავშირებული, საოცარი სურათი, იმ არანაკლებად ხატოვან მოვლენებთან ერთად, რომლებიც თან სდევენ ზემოთ მოყვანილი ადამიანის რთული წარმონაქმნების და კონსტრუქციების მოქმედებას. და ამის მიღწევა სრულიად შესაძლებელია ყველასთვის, ვინც ცხოვრობს სამყაროს კანონების შესატყვისად, მისწრაფებულია უმაღლესი არსებებთან გაერთიანებისაკენ და ვინც ფლობს მაღალ ცნობიერებას.
უკვე კარგათდაა ცნობილი ამ მიზნის მისაღწევად არსებული მეთოდები. ისინი აღწერილია ბევრ წიგნში, მათ შორის (და არსობრივად) „კალაგიაში“. საჭიროა მხოლოდ მოვინდომოთ და ხელიდან არ გაუშვათ სულიერი სრულყოფისა და შიდა ხედვის ორგანოს – სივრცული თვალის შეძენის ეს შესაძლებლობა. და ეს კიდევ არ არის ყველაზე მნიშვნელოვანი რამ, რაც ადამიანს პარალელურად მიეცემა შიდა ზრდის პროცესის, მისი გარდაქმნის და გასულიერების მიმდინარეობისას.
რაციონალურად მიგვაჩნია, რათა ყოველი საღად მოაზროვნე ადამიანი ოდნავ მაინც გაერკვეს ყოველივე ამ სიბრძნეში, რომელიც უმაღლესმა სამყარომ, მრავალი საუკუნეების მანძილზე დუმილის შემდეგ, როგორც იქნა გაუმხილა კაცობრიობას.
(გაგრძელება იქნება).
ოფელია ლომაია.
ofelialomaia 